返屋企喇﹗

小頓終於可以返屋企喇,
不過要乖乖閉關靜養一個月...
要繼續加油呀!

由於唔可以周圍跳，
所以搭左個臨時閉關房.

康復中的小頓

eason話小頓今日可以出院喇!

不過因為屋企無人睇住佢，
所以俾佢嚮醫院休息多兩日...
星期五就真係返屋企喇!

小頓，要預備執行李喇...



九龍動物醫院d哥哥姐姐好有心，
打電話黎問候小頓呢﹗:D
一於等小頓好番晒,
帶佢黎探你地班.

可憐的小頓 (10) - 康復中

小頓慢慢康復中，
亦都越黎越精靈活潑，
成日都想走出籠...

早上有少少燒，夜晚已經退左。
eason話小頓食得、玩得、又去得wee wee...
過幾日就可以返屋企。

不明來歷的魚仔︰
呢條魚仔好神奇，
小頓手術後，忽然出現嚮個籠度...
成為左陪伴小頓頓康復o既新朋友，
不過唔知幾時會被落水兜呢?! :keke

可憐的小頓 (9) - 康復中

第六日...

朝早探班時,
見小頓已經醒晒,
好精靈活潑添.

仲即席入左廁所,
示範wee wee...
果一刻真係YEAH左出黎!
好彩隔離左右無人.

夜晚再去探班,
仲越玩越癲添...
圓碌碌o既大眼仔返左黎.
哥哥話佢好食得, 好玩得 :D

小頓, 如果你乖乖地,
應該好快可以返屋企喇!

加油呀!

可憐的小頓 (8)

已經係第五日...

eason今朝早幫小頓拆左尿喉,
希望小頓識得自己weewee.

其實小頓好努力, 成日都有走入廁所試.
可惜, 過左12個鐘, 都仍然求尿唔成功.

尿道成日塞, 谷住嚮膀胱,
對佢腎功能亦會有影響,
而經常麻醉插尿喉亦對佢唔太好...
最後, eason都係建議做幫小頓手術.

eason話手術算順利,
雖然中間有d阻滯,
不過最後都係成功的.

晚上探班時, 小頓仍然在休息.

小頓仔, 要繼續努力呀!

可憐的小頓 (7)

小頓在太平道的第四天...

今日放假，
早午晚都可以去探班，
幫小頓打氣。

燒已退，尿越黎越清，
應該明天會拆尿喉...
然後再繼續觀察。

希望到時小頓可以自己weewee，
咁就叻仔喇！

呢幾日小蔥都會嚮大門口叫，
唔知係唔係掛住小頓，
等緊小頓返屋企呢?!

原來同房都好多貓貓有差唔多o既問題...
希望大家貓貓都早日康復，早日返屋企。

小頓，你要同同房d朋友仔一齊努力加油呀！

可憐的小頓 (6)

小頓在太平道的第三日...
仍然吊住鹽水＋尿喉。

朝早探班，小頓精神唔錯，
好氣好力，不斷想出籠走佬。
飲食都okay, 幾好胃口...
不過有少少燒。

晚上探班，帶左小頓個buddy去陪佢。
未退燒，不過仍然精神，d尿都清左d。
問哥哥要左d額外o既糧，佢都好快掃晒。

隔離位個朋友仔，
好似話明天就可以返屋企喇...
小頓，你都要加油呀！

可憐的小頓 (5)

小頓在太平道的第二天...

朝早返工之前去探一探小頓班，
見到佢好精神，眼仔碌碌，
仲叫得好大聲，嘈住隔離左右添。

不過仍然無weewee,
直到晚上eason要幫小頓插喉放...
即係又要麻醉＋吊鹽水喇。

晚上探班時間，小頓剛完成通尿道，
個樣好累，都唔無乜精神應酬我地。

eason話過兩日會再移走尿喉，觀察下情況，
再研究是否要做之改尿道之手術,
希望快d搵到個幫小頓o既辦法啦。

小頓仔, 你要加油呀﹗

可憐的小頓 (4) - 初見新·eason

今日帶小頓去見新eason,
諗住要做手術.

eason幫佢檢查完,
覺得唔需要急做手術,
幫小頓驗左尿, 有菌, 有發炎,
可能因為咁佢去唔到weewee,
不過詳細報告要遲幾日先有,
可能食藥就okay.

然後eason教按小頓膀胱幫佢放尿,
定時幫佢放weewee, 唔使谷住, 對佢好d.
不過因為屋企無人, 最多只係放到早晚一次,
所以最後決定俾佢寄宿, 順便等報告出.

又要寄宿, 扁晒咀...


好彩呢樹成日有人睇住,
又有早午晚探班時間 :D

今次帶左小頓私家muji飯兜...
小頓好乖, 又肯食, 又肯飲水. 叻仔呀!


小頓, 要加油呀! 好快可以返屋企!

可憐的小頓 (3)

約左星期三再做手術...
手術前呢兩日都要繼續要去醫生度放尿. =.=

好彩醫院d哥哥姐姐都好錫小頓.
今日個護士哥哥仲好好人，
見小頓d毛俾d尿整到濕晒，
幫小頓洗左再吹乾...
小頓個眼神好似話︰「我有少少鍾意左佢﹗」

真係唔該晒護士哥哥﹗

利利是是

蔥花頓今年收到好多利是，
可以去買野食同新玩具...
多謝各位錫佢地o既親朋戚友。